हामी सबैकाे संसारन्यूज

१.
एउटा बोल्यो भने अर्कै सुनिदिन्छन्
नरम आवाज पनि चर्कै सुनिदिन्छन्
सायद हेर्ने आँखै खोटी भएर होला,
स्वर्गको बयान पनि नर्कै सुनिदिन्छन् ।
२.
जस्ले छल्छ उहि बल्छ यो कस्तो समाज हो
राम्रो गर्ने छिनमै गल्छ यो कस्तो समाज हो
सोझो साझो मिहेनतीलाई खुट्टा तान्ने कति
शोषकीको हुकुम चल्छ यो कस्तो समाज हो ।
३.
गाई चराउदै बेसी झर कुरा काट्नु भन्दा
या त बसी राख घर कुरा काट्नु भन्दा
बिदेशी आलु,प्याज मगाई खानु भन्दा त
बरु त्यसकै खेति गर कुरा काट्नु भन्दा ।।
४.
नजिक नबस न हुदैहुन्न भन्छौ
तिम्रो हातपाउ भो धुन्न भन्छौ
भन कसरी घरवार चल्छ जव,
बिबाह भै सक्यो तर छुन्न भन्छौ ।
५.
सक्दो तर्केर गन्ध लुकाउँछन्
उल्टो फर्केर गन्ध लुकाउँछन्
यहाँ सँधै दुर्गन्धित काम गर्नेहरु
अत्तर छर्केर गन्ध लुकाउँछन्
।