Sansar News
३० असार, काठमाडौं । गण्डकी प्रदेशमा आज ३७४ जनामा कोरोना संक्रमण पुष्टि भएकोमा मृतकको संख्या भने शून्य रहेको छ ।
प्रदेशको स्वास्थ्य निर्देशनालयका अनुसार प्रदेशमा मंगलबार ६ जनाको मृत्यु भएकोमा बुधबार मृतकको संख्या शून्य रहेको हो ।
त्यसैगरी प्रदेशमा बुधबार मुस्ताङमा १, म्याग्दीमा ६, पर्बतमा ३, गोरखामा ४२, लमजुङमा २२, तनहुँमा १७, कास्कीमा १८३, वाग्लुङमा १५, स्याङजामा ३८ र नवलपरासीपूर्वमा ४४ जना गरी ३७४ जना नयाँ संक्रमित थपिएका छन् । ती मध्ये १७३ जना महिला र २०१ जना पुरुष रहेका छन् । साथै आज प्रदेशमा ३७७ जना निको भएका छन् ।
बुधबार थपिएका ३७४ जनासँगै प्रदेशमा हालसम्म ६० हजार १५९ जनामा कोरोना संक्रमण पुष्टि भएको छ भने ती मध्ये ५६ हजार ५२३ जना निको भइसकेका छन् ।
प्रदेशमा हाल २६२८ सक्रिय संक्रमित रहेका छन् । ती मध्ये होम आइसोलेशनमा २४१० जना रहेका छन् भने अन्यको विभिन्न अस्पताल तथा संस्थागत आइसोलेशनमा उपचार भइरहेको निर्देशनालयले जनाएको छ ।
वि.सं.२०७८ असार ३० बुधवार १७:२१ मा प्रकाशित
