हामी सबैकाे संसारन्यूज

साउन ३, काठमाडौं । नेकपा (एमाले)ले प्रधानमन्त्री शेरबहादुर देउवालाई सहयोग नगर्ने निर्णय गरेको छ । आइतबार बसेको स्थायी समिति बैठकले देउवाको विपक्षमा उभिने निर्णय गरेको हो ।

बैठकले देउवाले हतार–हतार विश्वासको मत लिन खोजेको निर्णयमा षडयन्त्र देखिएको पनि ठहर गरेको छ । बैठकपछि पत्रकारसँग कुराकानी गर्दै एमाले प्रवक्ता प्रदीप ज्ञवालीले एमाले पार्टी सरकारको विपक्षमा रहने र सबै सांसदलाई विपक्षमा रहन निर्देशन गर्ने निर्णय गरिएको बताए ।

उनले एमालेको निर्णय बाहिर जाने सदस्य एमालेको नहुने पनि निर्णय बैठकले लिएको जानकारी दिए ।

उनका अनुसार बैठकले १० बुँदे सहमतिका आधारमा पार्टीलाई एकताबद्ध गराउने निर्णय पनि गरेको छ । उनका अनुसार माधव नेपाल एमालेमा नफर्किने निष्कर्षमा रहेको विघटित कार्यदलका सदस्यहरुले बैठकलाई बताएका थिए ।

सम्बन्धित समाचार

विश्वासको मत लिने देउवाको निर्णय, विभाजित देखियो माधव समूह