Sansar News
५ साउन, काठमाडौं । नेपालमा आज ३१०८ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ८,८३६ पिसीआर र ४२९९ ऐन्टिजेन गरी १३,१३५ वटा नमुना परीक्षणमा ३१०८ जना संक्रमित थपिएका हुन् ।
सोमबारको तुलनामा आज थपिएका संक्रमितहरुको संख्या झण्डै ७ सयले बढी हो ।
त्यस्तै पछिल्लो २४ घण्टामा भक्तपुरमा ४१, ललितपुरमा १७४ जना र काठमाडौंमा ५३१ जना गरी उपत्यकामा आज ७४६ जना संक्रमित थपिएका छन् । सोमवारकोे तुलनामा उपत्यकामा संक्रमित हुनेको संख्या पनि बढेको छ । सोमवारको तुलनामा काठमाडौंमा आज २ सय बढी संक्रमित थपिएका छन् ।
नेपालमा हालसम्म ३४ लाख ८६ हजार ३५४ पिसीआर र ऐन्टिजेन विधिबाट गरिएको २ लाख ७० हजार ९६१ गरी ३७ लाख ५७ हजार ३१५ नमुना परीक्षणमा हालसम्म ७ लाख २१ हजार ७७२ जना संक्रमित भएका छन् ।
त्यसैगरी पछिल्लो २४ घण्टामा देशैभरी १५९५ जना कोरोना संक्रमणबाट मुक्त भएका छन् । आज निको भएका १५९५जनासँगैै नेपालमा कोरोना संक्रमणबाट मुक्त हुनेको संख्या ६ लाख ३४ हजार ९२७ जना निको भइसकेका छन् ।
त्यस्तै पछिल्लो २४ घण्टामा २५ जना कोरोना संक्रमितको मृत्यु भएको छ । आज थपिएका २५ जनासँगै नेपालमा हालसम्म ज्यान गुमाउनेको संख्या ९,६०७ पुगेको मन्त्रालयद्धारा जारी विवरणमा उल्लेख छ ।
मन्त्रालयका अनुसार नेपालमा हाल २६ हजार ४१९ जना संक्रिय संक्रमित रहेका छन् । तीमध्ये होम आइसोलेशनमा २३ हजार ८३४ र संस्थागत आइसोलेशनमा २,५८५ जना रहेका छन् ।
त्यस्तै देशैभरीका विभिन्न अस्पतालका आइसीयुमा ५९३ र भेन्टिलेटरमा १७२ जनाको उपचार भइरहेको छ । सोमवारको तुलनामा आज आइसीयु र भेन्टिलेटरमा उपचार गराउनेको संख्या पनि बढेको छ ।
वि.सं.२०७८ साउन ५ मंगलवार १६:५७ मा प्रकाशित
