Sansar News
६ साउन, काठमाडौँ । राष्ट्रिय परीक्षा बोर्ड, परीक्षा नियन्त्रण कार्यालय भक्तपुरले यही साउन ३१ गतेदेखि सञ्चालन हुन लागेको कक्षा १२ को परीक्षाको समय तालिका सार्वजनिक गरेको छ ।
बोर्डले बोर्डले मंगलबार साउन ३१ गते देखि भदौ ९ गतेसम्म सञ्चालन हुने परीक्षाको समय तालिका सार्वजनिक गरेको हो ।
गत जेठ २६ देखि नै सञ्चालन हुने तय भएको परीक्षा कोरोनाभाइरस महामारीका कारण स्थगित गरेको बोर्डले नयाँ मिति तय गरेर परीक्षा तालिका सार्वजनिक गरेको हो ।
विद्यार्थीहरूले होम सेन्टर (आफ्नै विद्यालय)बाट परीक्षा दिन पाउने व्यवस्था गरिएको छ । बोर्डले भौतिक दूरी कायम राख्दै स्वास्थ्य सुरक्षाको उपाय अपनाउँदै परीक्षा लिने व्यवस्था मिलाउन निर्देशन दिएको छ ।
बोर्डले यसपटक एक सय पूर्णाङ्ककै परीक्षा सञ्चालन गर्ने भएको छ । गत वर्ष कोरोना महामारीका कारण पूर्णाङ्क घटाएर ४० प्रतिशत पूर्णाङ्कमा मात्रै परीक्षा लिइएको थियो ।
वि.सं.२०७८ साउन ६ बुधवार १५:०५ मा प्रकाशित
