Sansar News
६ साउन, काठमाडौँ । राष्ट्रिय प्रजातन्त्र पार्टी(राप्रपा)का अध्यक्ष डा प्रकाशचन्द्र लोहनले राप्रपा कुनै पनि दलको पुच्छर भएर नजाने बताएका छन् ।
सामाजिक सञ्जालमा स्टाटस लेख्दै अध्यक्ष डा लोहनीले राप्रपा प्रजातन्त्रमा दलहरु बलियो हुनुपर्छ भन्ने मान्यता राख्ने तर राप्रपा कुनै पनि दलको पुच्छर भएर नजाने बताएका हुन् । दलको यहि मान्यता अनुरुप संसदमा प्रधानमन्त्रीलाई विश्वासको मतदान हुँदा राप्रपा तटस्थ रहेको समेत उनले प्रष्ट पारेका छन् ।
राप्रपाले कुनै दल प्रति पनि आग्रह या पूर्वाग्रह नराख्ने बताउँदै उनले संसदमा गुण–दोषको आधारमा समर्थन या बिरोध गर्ने उल्लेख गरेका छन् ।
वि.सं.२०७८ साउन ६ बुधवार १५:२२ मा प्रकाशित
