हामी सबैकाे संसारन्यूज

साउन ६, काठमाडौं । नेकपा (माओवादी केन्द्र)का स्थायी समितिका नेताहरु छलफलमा जुटेका छन् । प्रधानमन्त्री शेरबहादुर देउवा नेतृत्वको सरकारमा सहभागी हुने मन्त्रीहरुको नाम टुंगो लगाउन उनीहरु छलफलमा जुटेका हुन् ।

पार्टी कार्यालय पेरिसडाँडामा जारी बैठकले सरकारमा सहभागी हुने मन्त्रीहरुको नाम टुंगो लगाउने छ । साथै बैठकले सरकार सञ्चालनका सन्दर्भमा बनाउने भनिएको उच्चस्तरीय राजनीतिक संयन्त्रको विषयमा पनि निर्णय लिने नेताहरुले बताएका छन् ।

हाल देउवा नेतृत्वको सरकारमा माओवादी केन्द्रका तर्फबाट २ जना मात्रै मन्त्रि छन् । माओवादी केन्द्रबाट अर्थमा जनार्दन शर्मा र उर्जामा पम्फा भुसालले नेतृत्व गरेका छन् ।

तर, अन्यको विषयमा भने केन्द्रले नाम टुंगो लगाएको छैन् । देउवालाई प्रधानमन्त्री बनाउन भूमिका खेलेको माओवादीले अर्थ र उर्जासहित आठ मन्त्रालयमा दाबी गरेको छ ।

। माओवादीको भागमा परेका बाँकी मन्त्रालयमा नारायणकाजी श्रेष्ठ, हरिबोल गजुरेल, देवेन्द्र पौडेल, अञ्जना विसङ्खे, सुरेशकुमार राई र शशीले दाबी गरेका छन्। यस्तै सांसदहरु सुदन किराती, शिवकुमार मण्डल, हरिराम चौधरीको नाम पनि मन्त्रीको चर्चामा छ।