Sansar News
साउन ६, काठमाडौं । नेकपा (एमाले)का वरिष्ठ नेता माधवकुमार नेपाल पक्षको स्थायी समिति बैठकमा पार्टी उपाध्यक्षसमेत रहेका नेता भीम रावल अनुपस्थित भएका छन् ।
बानेश्वरस्थित एक होटलमा जारी बैठकमा उनी बाहेक माधव पक्षीय सबैजसो स्थायी समिति सदस्य भने उपस्थित छन् ।
पछिल्लो समय नेता रावल पार्टी अध्यक्ष केपी शर्मा ओली नजिक देखिँदै आएका छन् । पार्टी विवाद समाधानका लागि गठित कार्यदलमा माधव पक्षको तर्फका संयोजक भएपनि उनी नेतृत्वमा भएको सहमतीलाई माधव पक्षले ठाडै अस्वीकार गरेको थियो ।
माधव पक्षसँग सल्लाह नै नगरी सांसदबाट राजीनामा दिने निर्णय गरेका रावल बैठकमा अनुपस्थित हुनुलाई अर्थपूर्णं रुपमा हेरिएको छ ।
वि.सं.२०७८ साउन ६ बुधवार १५:२६ मा प्रकाशित
