हामी सबैकाे संसारन्यूज

८ साउन, काठमाडौँ । दक्षिण अफ्रिका र आयरल्याण्ड बिचको दोसो टि-२० मा दक्षिण अफ्रिकाले ४२ रनले जित हासिल गरेको छ ।

टस जितेर पहिले ब्याटिङ्ग गरेको दक्षिण अफ्रिकाले २० ओभरमा ७ विकेट गुमाएर १५९ रन बनाएको थियो । दक्षिण अफ्रिकाका लागि ३ खेलाडीले मात्र दोहोरो अकंमा रन जोड्न सफल भएका थिए । ओपनर क्विनटन डिकक २७, मुल्डर ३६ रन बनाएर आउट भएका थिए । त्यसैगरी डेविड मिलर भने ४४ बलमा ७५ रन बनाएर नटआउट रहेका थिए । त्यसक्रममा उनले ५ छक्का र ४ चौका प्रहार गरेका थिए । आयरल्याण्डका लागि बलिङ्ग तर्फ भने स्टर्लिङ र मार्क एडएरले सर्वाधिक २/२ विकेट लिएका थिए ।

१६० रनको लक्ष्य पछाएको आयरल्याण्डले पुरै २० ओभर पनि ब्याटिङ्ग गर्न सकेन । आयरल्याण्डको टिम १९.३ ओभरमा ११७ रन बनाएर अलआउट हुन पुगेका थियो । ब्याटिङ्गमा आयरल्याण्डका लागि शेन गेटकेटले सर्वाधिक २४ रन बनाएका थिए भने बलिङ्गमा दक्षिण अफ्रिकाका लागि फोर्टुइन र शम्सीले सर्वाधिक ३/३ विकेट लिएका थिए ।

जितसँगै दक्षिण अफ्रिकाले १ खेल बाँकी रहदैँ ३ खेलको टि-२० श्रृखला २-० आफ्नो नाममा गरेको छ ।