हामी सबैकाे संसारन्यूज

११ साउन, पोखरा । कोरोना संक्रमणबाट गण्डकी प्रदेशमा सोमवार ८ जनाको मृत्यु भएको छ ।

प्रदेशको स्वास्थ्य निर्देशनालयका अनुसार प्रदेशमा सोमवार कास्कीका ५ तथा बागलुङ, स्याङजा र नवलपरासीपूर्वका १\१ गरी ८ जनाको मृत्यु भएको हो । सोमवार थपिएका ८ जनासँगै प्रदेशमा हालसम्म मृत्यु हुनेको संख्या १०६२ पुगेको छ । प्रदेशमा केही दिनयता मृत्यु हुनेको संख्या बढ्दै गएको छ आज कास्कीमा ५ जनाको मृत्यु भएको हो ।

त्यस्तै प्रदेशमा आज म्याग्दीमा ६, पर्वतमा ४३, गोरखामा १९, लमजुङमा २७, तनहुँमा ७९, कास्कीमा ३०४, वाग्लुङमा ३५, स्याङजामा ६० र नवलपरासीपूर्वमा १३७ जना गरी ७१० जना नयाँ संक्रमित थपिएका छन् । ती मध्ये ३६३ जना महिला र ३४७ जना पुरुष रहेका छन् । प्रदेशमा आइतवारको तुलनामा संक्रमित हुनेको संख्या झण्डै तीनसयले बढी हो ।

निर्देशनालयद्धारा जारी विवरण अनुसार आज थपिएका मध्ये सबैभन्दा बढी संक्रमित कास्की र नवलपरासी पूर्वमा छन् । साथै प्रदेशमा आज ३७४ जना संक्रमणबाट मुक्त भएका छन् ।

सोमवार थपिएका ७१० जनासँगै प्रदेशमा हालसम्म ६५ हजार १०५ जनामा कोरोना संक्रमण पुष्टि भएको छ भने ती मध्ये ६० हजार ६३४ जना निको भइसकेका छन् ।

प्रदेशमा हाल ३४०९ सक्रिय संक्रमित रहेका छन् । ती मध्ये होम आइसोलेशनमा ३११० जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा २९९ जनाको उपचार भइरहेको निर्देशनालयद्धारा जारी विवरणमा उल्लेख छ ।

गण्डकी प्रदेशमा कोरोनाबाट थप ४४७ संक्रमित, ४ को मृत्यु, कुन जिल्लामा कति थपिए त आज ?