हामी सबैकाे संसारन्यूज

१५ साउन, काठमाडौँ । भारत र श्रीलंक बिचको तेस्रो तथा अन्तिम टि-२० मा भारतलाई ७ विकेटले पराजित गर्दै श्रीलंकाले टि-२० श्रृखला २-१ ले आफ्नो नाममा गरेको छ ।

टस जितेर पहिले ब्याटिङ्ग गरेको भारतले २० ओभरमा ८ विकेट गुमाएर ८१ रन बनाएको थियो । भारतका लागि ३ खेलाडीले मात्र दोहोरो अकंमा रन जोड्न सफल भएका थिए । भारतका रुतुराज गायकवाडले १४, भुवनेश्वर कुमारले १६ र कुलदिप यादवले २३ रन बनाएका थिए । श्रीलंकाका लागि बलिङ्गमा वानिन्दु हसरंगाले ४ ओभरमा ९ रन खर्चेर सर्वाधिक ४ विकेट लिएका थिए ।

भारतले दिएको ८२ रनको सामान्य लक्ष्य श्रीलंकाले १४.३ ओभरमा ३ विकेट गुमाएर पुरा गर्यो । श्रीलंकाका लागि ब्याटिङ्गमा धनञ्जय डी सिल्भाले सर्वाधिक २३ रन बनाएका थिए भने भारतका लागि बलिङ्गमा राहुल चाहरले सर्वाधिक ३ विकेट लिएका थिए ।