Sansar News
१९ साउन, काठमाडौँ । सरकारले रेल्वे कम्पनीका महाप्रबन्धक गुरु भट्टराईलाई स्पष्टीकरण सोध्ने भएको छ ।
मंगलबार बसेको मन्त्रिपरिषद् बैठकले उनलाई आचरण विपरीत काम गरेको भन्दै स्पष्टीकरण सोध्ने निर्णय गरेको सरकारका प्रवक्ता ज्ञानेन्द्रबहादुर कार्कीले जानकारी दिए ।
उनलाई तत्कालीन केपी शर्मा ओली नेतृत्वको सरकारले एक वर्षअघि नेपाल रेल्वेको महाप्रबन्धकमा नियुक्त गरेको थियो ।
महाप्रबन्धन भट्टराई सामाजिक सञ्जालमा विवादित अभिव्यक्ति दिएर चर्चामा आउने गर्दछन् । चित्त बुझ्दो स्पष्टीकरण नआए हटाउने तयारी सरकारले गरेको हो ।
त्यस्तै कोरोना महामारीका कारण स्थानीय प्रशासनबाट भएका निषेधाज्ञाका क्रममा व्यक्तिगत घटना दर्ता बिलम्व शुल्क छुट दिने निर्णय पनि बैठकले गरेको छ ।
वि.सं.२०७८ साउन १९ मंगलवार १९:३९ मा प्रकाशित
