Sansar News
४ अगस्त, अमेरिका । अमेरिकामा दुईदिनमा दुई नेपाली युवाको मृत्यु भएको छ ।
मृत्यु हुनेमा न्युयोर्कवासी २८ वर्षीय बिपिन लम्सालको जुलाई २७ र विसकनसिनमा २२ वर्षीय सृजन कुँवरको जुलाई २८ तारिखमा मृत्यु भएको हो ।
दुवैजना बेहोस भएका कारण मृत्यु भएको जनाइएको छ । कामबाट फर्किएर शौचालय गएका बिपीन त्यहि बेहोस भएका थिए भने सृजन स्टोरमा काम गरिरहेका बेला बेहोस् भएका थिए । दुवैजनालाई उपचारका लागि अस्पताल लगिए पनि अस्पतालले मृत घोषणा गरेको बताइएको छ ।
एनआरएनए अमेरिकाद्धारा जारी विज्ञप्ति अनुसार बिपिनको घर पर्वत र डिभी परेर अमेरिका गएका दक्षिणकालीका सृजन २०१९ देखि अमेरिकामा बस्दै आएका छन् ।
दुवै युवाको शब नेपाल पठाउनका लागि एनआरएनए अमेरिकाले सबैपक्षसँग समन्वय गरिरहेको बताएको छ । प्रवक्ता तोया दाहालका अनुसार लम्सालको शब नेपाल पठाउनका लागि एनआरएनए न्युर्योक च्याप्टरले गोफन्डमार्फत् आर्थिक संकलन गरिरहेको छ ।
त्यस्तै सृजनको शब पठाउनका लागि पनि मंगलवारदेखि गोफन्डमार्फत् रकम संकलन जारी गरिएको छ ।
एनआरएनए अमेरिकाका अध्यक्ष बुद्धिसागर सुवेदीका अनुसार दुवै युवाको परिवारको अनुरोध अनुसार अमेरिकास्थित नेपाली दुतावास,मेरिल्यान्ड राज्यका विधानसभा सदस्य ह्यारी भण्डारी, न्युयोर्क र विसकनसिन च्याप्टरसँग समन्वय गर्दै शवलाई नेपाल पठाउन सक्रिय भएर लागि परेको बताएका छन् ।
वि.सं.२०७८ साउन २० बुधवार ०९:१४ मा प्रकाशित
