हामी सबैकाे संसारन्यूज

२५ साउन, काठमाडौं । पर्वतको पैयुँ गाउँपालिकाले खोला किनारमा घरजग्गा हुने धनीलाई ३५ दिनभित्र वडा कार्यालयमा उपस्थित हुन अनुरोध गरेको छ ।

पैँयु गाउपालिकाको वडा नं ४ को वडा समितिको बैठकको निर्णय अनुसार साविक हुवास गा.वि.स वडा नं १, २, ३, ७, र ८ अन्तर्गत रहेका खोला किनार र बाटोको छेउ–छाउमा भएका जग्गामा मोहियानीहरुले भोग चलन गरेका वा नगरेका जग्गामा दावी विरोधका लागि सप्रमाणसहित उपस्थित हुन अनुरोध गरेको हो ।

‘मिति २०७८/०४/२५ गतेबाट ३५ दिनभित्र सप्रमाण कागजात सहित यस वडा कार्यालयमा उपस्थित हुन सूचना जारी गरिएको व्यहोरा अनुरोध छ ।’ गाउँपालिकाद्धारा सोमबार जारी सूचनामा भनिएको छ ।