Sansar News
२५ साउन, काठमाडौं । सर्वोच्च अदालतले भूमि आयोग खारेज नर्गन अल्पकालिन अन्तरिम आदेश दिएको छ ।
न्यायाधिश इश्वर खतिवडाको एकल इजलाशले सोमबार दुवै पक्षलाई भदौ १ गते छलफलका लागि बोलाएको छ ।
‘अन्तरिम आदेश जारी गरी पाउँ भन्ने निवेदन माग रहेको सन्दर्भमा हेर्दा विवादित विषयक सम्वेदनशीलता र गम्भीरताका दुष्टिले दुवै पक्षको उपस्थितमा छलफल हुन आवस्यक देखिएकाले अन्तरिम आदेश सम्बन्धमा छलफलका लागि मिति २०७८/५\१ गतेको पेशी तोकी छलफलमा उपस्थित हुन प्रत्यक्षीहरुलाई जनाउा दिनू !’ उक्त अन्तरिम आदेशमा भनिएको छ ।
देउवा नेतृत्वको सरकारले देवी ज्ञवाली अध्यक्ष रहेको आयोगलाई खारेज गर्ने निर्णय गरेपछि ज्ञवालीले राजनीतिक प्रेरणाबाट प्रभावित रही निर्णय गरिएको भन्दै उक्त निर्णय खारेज गर्न भन्दै साउन २४ गते सर्वोच्चमा रिट हालेका थिए ।
शेर बहादुर देउवा नेतृत्वको सरकारले १९ साउनमा भूमि सम्बन्धी आयोग खारेज गर्ने निर्णय गरेको थियो ।
उक्त निर्णयको विरुद्धमा शान्ता चौधरी अध्यक्ष रहेको नेपाल भूमिहिन सुकुम्वासी संगठनले देशैभरी विभिन्न आन्दोलनका कार्यक्रमहरु गर्दै आएको छ ।
वि.सं.२०७८ साउन २५ सोमवार १५:१८ मा प्रकाशित
