Sansar News
२९ साउन, पर्बत । पर्बतको पैयूँ गाउँपालिकाले सुरक्षाको मापदण्ड अपनाएर स्कुल कक्षाहरु संचालन गर्ने भएको छ ।
पालिकाले बुधवार एक सूचना जारी गर्दै पालिकाको २६ साउनको निर्णय नं ३ अनुसार कक्षा १ देखि ८ सम्म बिहान १०–४ बजेसम्म सबै सामुदायिक तथा संस्थागत विद्यालयमा कोभिड सुरक्षा सतर्कता मापदण्ड अपनाई कक्षा सन्चालन गर्ने जनाएको हो ।
‘कक्षा ९ देखि १२ सम्म विद्यालयको निर्णयअनुसार समय तोकी विद्यालय सन्चालन गर्ने निर्णय भएको हुनाले सोहि बमोजिम विद्यालय संचलान गर्न गराउनुहुन निर्देशनानुसार अनुरोध छ ।’ पालिकाका शिक्षा साखा प्रमुख यज्ञ प्रसाद लामिछानेद्धारा जारी सूचनामा भनिएको छ ।
वि.सं.२०७८ साउन २८ बिहीवार ०८:४५ मा प्रकाशित
