हामी सबैकाे संसारन्यूज

२८ साउन, बुटबल । लुम्बिनी प्रदेशमा ७ सदस्यीय मन्त्रीपरिषद् गठन भएको छ । विहीबार मुख्यमन्त्रीमा कुलप्रसाद केसीको शपथसँगै नवनियुक्त ६ जना मन्त्रीहरुलाई पनि प्रदेश प्रमुख अमिक शेरचनले उनीहरुलाई पद तथा गोपनीयताको शपथग्रहण गराएका छन् ।

मुख्यमन्त्री केसीको नेतृत्वकाे सरकारमा नेपाली काँग्रेसका डिल्ली चौधरीले ग्रामीण तथा शहरी विकासमन्त्रीको शपथ लिएका छन्, भने माओवादी केन्द्रका कृष्णध्वज खड्काले आर्थिक मामिला तथा योजना मन्त्रालय पाएका छन् । त्यस्तै, जनता समाजवादी पार्टीका हसराम यादवले भौतिक पूर्वाधार विकास मन्त्रालय पाएका छन् ।

अजय शाही, सुमन शर्मा रायमाझी र पुर्मती ढेंगाले भने विनाविभागीय मन्त्रालय पाएका छन् । ढेंगा र शर्मा जनता समाजवादीबाट मन्त्री बनेका हुन्,  शाही स्वतन्त्र सांसद हुन् ।

यस्तो बन्यो मन्त्रीपरिषद् :
मुख्यमन्त्री – कुलप्रसाद केसी
मन्त्री, ग्रामीण विकास – डिल्लीबहादुर चाैधरी
मन्त्री,आर्थिक मामिला – कृष्णध्वज खड्का
मन्त्री, भाैतिक पूर्वाधार – शहसराम यादव
मन्त्री, विना विभागीय – अजय शाही
मन्त्री, विना विभागीय – सुमन शर्मा रायमाझी
मन्त्री, विना विभागीय – पुर्मती ढेंगा