हामी सबैकाे संसारन्यूज

२९ साउन, काठमाडौँ । गृह मन्त्रालयले बढ्दो कोरोना संक्रमण फैलिएसँगै आवश्यकताका आधारमा कोभिड संक्रमितको उपचारका लागि आइसोलेसन सेन्टर, अस्पताल तथा मेडिकल कलेजहरु सूचीकृत तथा सुपरिवेक्षण गर्न सबै जिल्ला प्रशासन कार्यालयलाई निर्देशन गरेको छ ।

गृह मन्त्रालयले बिहीबार बसेको सचिवस्तरीय बैठकको निर्णय भन्दै सूचीकृत अस्पतालहरुको विवरण स्वास्थ्य आपतकालीन कार्य सञ्चालन केन्द्रलाई पठाउनुपर्ने साथै सूचीकृत अस्पतालहरुको नियमित सुपरीवेक्षण अनुगमन गर्न निर्देशन दिएको हो।

विश्वभरी फैलिएको कोभिड १९ को संक्रमण नेपालमा पनि फैलिरहेको, हाल संक्रमितहरुको संख्या दिनप्रतिदिन बढ्दै गएको हुँदा अस्पतालमा उपलब्ध बेडहरु भरिँदै गइरहेको अवस्था रहेको र तेस्रो लहरको सम्भावनालाई मध्यनजर गर्दै अस्पतालहरु सूचीकृत गर्नुपर्ने आवश्यकता देखिएको मन्त्रालयद्वारा जारी सूचनामा उल्लेख छ ।

स्वास्थ्य तथा जनसंख्या मन्त्रालय, स्वास्थ्य आपतकालीन तथा विपद् व्यवस्थापन इकाई, स्वास्थ्य आपतकालीन कार्य संचालन केन्द्रलाई बोधार्थ गरीएको उक्त सूचनामा बैठकले गरेका ५ निर्णयहरु उल्लेख गरिएको छ ।