हामी सबैकाे संसारन्यूज

२९ साउन, पोखरा । कोरोना संक्रमणबाट गण्डकी प्रदेशमा शुक्रवार थप ९ जनाको मृत्यु भएको छ । प्रदेशको स्वास्थ्य निर्देशनालयका अनुसार मृत्यु हुनेमा कास्कीका ४, तनहुँका २, नवलपरासीपूर्वका २ र गोरखाका १ गरी ९ जनाको मृत्यु भएको हो ।

शुक्रवार थपिएका ९ जनासँगै प्रदेशमा हालसम्म ज्यान गुमाउनेको संख्या १ हजार १७० पुगेको छ ।

त्यस्तै प्रदेशमा शुक्रवार म्याग्दीमा १७, पर्बतमा ३, गोरखामा ५४, लमजुङमा १८, तनहुँमा १७, कास्कीमा १८८, वाग्लुङमा ५१, स्याङजामा ६१ र नवलपरासीपूर्वमा ६५ जना गरी ४७४ जना नयाँ संक्रमित थपिएका छन् । ती मध्ये २३८ जना महिला र २३६ जना पुरुष रहेका छन् ।

निर्देशनालयद्धारा जारी विवरण अनुसार शु्क्रवार थपिएका संक्रमितमध्ये सबैभन्दा बढी कास्कीमा १८८ जना रहेका छन् ।

बिहीवार थपिएका ४७४ जनासँगै प्रदेशमा हालसम्म ७४ हजार ९८९ जनामा कोरोना संक्रमण पुष्टि भएको छ भने ती मध्ये ६७ हजार ५१६ जना निको भइसकेका छन् । शुक्रवार ६०९ जना संक्रमणबाट मुक्त भएका हुन् ।

निर्देशनालयका अनुसार प्रदेशमा हाल ६ हजार ३०३ सक्रिय संक्रमित रहेका छन् । ती मध्ये होम आइसोलेशनमा ६ हजार १३ जना रहेका छन् भने अन्यको विभिन्न अस्पताल तथा संस्थागत आइसोलेशन सेन्टरमा उपचार भइरहेको निर्देशनालयको विवरणमा उल्लेख छ ।

गण्डकी प्रदेशमा कास्कीका थप ७ कोरोना संक्रमितको मृत्यु, ६५४ संक्रमित