हामी सबैकाे संसारन्यूज

३१ साउन, काठमाडौं । वागमती प्रदेशमा शनिवार थप ८ कोरोना संक्रमितको मृत्यु भएको छ ।

प्रदेशको सामाजिक विकास मन्त्रालयका अनुसार शनिवार काठमाडौंका ४३, ६४ र ७४ वर्षीया ३ महिला र ८७ र ६४ वर्षीय २ पुरुष गरी ५ जना, रामेछापकी ७२ वर्षीया एक महिला, ललितपुरका ३० वर्षीय र धादिङका ७१ वर्षीय पुरुष गरी ८ जनाको मृत्यु भएको हो ।

शनिवार मृत्यु भएका ८ जनासँगै प्रदेशमा हालसम्म कोरोना संक्रमणबाट ज्यान गुमाउनेको संख्या ४ हजार १६९ पुगेको छ ।

मन्त्रालयका अनुसार शनिवार प्रदेशमा ६ हजार ५०१ नमुना परीक्षणमा १,२३२ जनामा संक्रमण पुष्टि भएको छ भने सोहि अवधिमा ७५२ जना संक्रमणबाट मुक्त भएका छन् ।

प्रदेशमा हालसम्म संक्रमित हुनेको संख्या ३ लाख ९७ हजार ५४१ पुगेको छ भने सोहि अवधिमा संख्या ३ लाख ७६ हजार ५०८ जना संक्रमणबाट मुक्त भएका छन् ।
मन्त्रालयका अनुसार प्रदेशका विभिन्न अस्पतालका आइसीयुमा ४७१ र भेन्टिलेटरमा १०५ जनाको उपचार भइरहेको छ । साथै १४ हजार ८०२ कोरोना संक्रमित होम आइसोलेशनमा रहेका छन् ।