हामी सबैकाे संसारन्यूज

भदौ १, काठमाडौं । सरकारले दल विभाजनसम्बन्धी अध्यादेश ल्याएको छ । मंगलबार बसेको मन्त्रिपरिषद् बैठकले दल विभाजनसम्बन्धी अध्यादेश ल्याएको हो ।

अध्यादेशमा सरकारले केन्द्रीय समिति वा संसदीय दलमा २० प्रतिशत संख्या पुर्‍ याएर दल विभाजन गर्न सकिने व्यवस्था राखेको छ । यसअघि दल विभाजनका लागि केन्द्रीय समिति र संसदीय दलमा ४० प्रतिशत संख्या अनिवार्य हुने व्यवस्था थियो ।

माधवकुमार नेपालसँगको छलफलपश्चात गठबन्धन सरकारले यस्तो व्यवस्थासहित अध्यादेश ल्याएको हो । यो अध्यादेश जारी भएसँगै माधव नेपालसहित जसपाको महन्थ ठाकुर पक्षलाई पनि पार्टी विभाजन गर्न सहज हुनेछ ।

यसअघि केपी ओलीकै पालामा पनि दल विभाजन सहज हुने गरि अध्यादेश ल्याइएको थियो । तर, चौतर्फी दबाबका कारण उक्त अध्यादेश बाध्यपूर्वक फिर्ता लिइएको थियो । गठबन्धन सरकारले सोही विवादास्पद अध्यादेश पुनः ल्याएको छ ।