Sansar News
१ भदौ, काठमाडौँ । एक बालक सहित ४ जना मृत फेला परेका छन् ।
मृत्यु हुनेमा कैलाली, गोदावरी नगरपालिका–१० भागेश्वर टोलका ६२ वर्षीय बुदे कामी आफ्नै घर नजिकै झाडीमा सोमबार मृत अवस्थामा फेला परेका हुन् ।
यस्तै, सप्तरी, हनुमाननगर कंकालिनी नगरपालिका–१ भारदहस्थित खेतमा एक जनाको शव फेला परेक । शव सोही ठाउँका ३० वर्षीय सुकनन्दन माझीको रहेको प्रहरीले जनाएको छ । उनी सोमबार मृत अवस्थामा फेला परेका हुन् ।
यसैगरी, कास्की, पोखरा महानगरपालिका–२२ सानपानी खोलामा पनि एक जनाको शव फेला परेको छ । धनकुटा घर भएका ४५ वर्षीय दिपेन्द्र भन्ने पुरुषको शव फेला परेको हो । उनी सोमबार मृत अवस्थामा फेला परेका हुन् ।
यस्तेै, पर्सा, वीरगंज महानगरपालिका–३० प्रसौतीपुरस्थित भेडिया खोलामा हाल नाम, थर, वतन नखुलेका करिब ३ वर्षीय बालक सोमबार मृत अवस्थामा फेला परेका छन् । यस सम्बन्धमा थप अनुसन्धान भइरहेको प्रहरीले जनाएको छ ।
वि.सं.२०७८ भदौ १ मंगलवार १५:४१ मा प्रकाशित
