हामी सबैकाे संसारन्यूज

३ भदौ, अमेरिका । अमेरिकामा एक नेपालीको मृत्यु भएको छ । अमेरिकाको मेरिल्याण्ड राज्यको गेथर्सबर्गमा बस्दै आएका स्याङजा पुतलीवजार–१४ का ४४ वर्षीय खेम केसीको निधन भएको हो ।

अगस्त १२ मा निधन भएका उनको पार्थिव शरीर नेपाल पठाउनका लागि गोफन्डमार्फत आर्थिक अभियान संचालन गरिएको बताइएको छ ।

एनआरएनए मेरिल्याण्ड साखाले केसीको मृत्यु भएपछि शव नेपाल पठाउन तथा परिवारलाई आर्थिक सहयोग गर्नका लागि गोफन्डबाट आर्थिक अभियान थालेको बताएको छ । साखाले उक्त आर्थिक सहयोग अभियानमा सहयोग गर्न नेपाली समुदायमा अनुरोध गरेको छ ।

२४ घण्टा अगाडि खोलिएको उक्त खातामा २५ हजार डलर संकलन भइसकेको बताइएको छ । केसीको परिवारमा बुवा आमा, श्रीमती र १३ वर्षीया छोरी र ३ वर्षीय छोरा रहेको बताइएको छ ।