हामी सबैकाे संसारन्यूज

३ भदौ, पोखरा । कोरोना संक्रमणबाट गण्डकी प्रदेशमा बिहीवार थप ५ जनाको मृत्यु भएको छ ।

प्रदेशको स्वास्थ्य निर्देशनालयका अनुसार मृत्युहुनेमा वागलुङका २, म्याग्दी, कास्की र तनहुँका १/१ गरी ५ जना रहेका छन् ।
बुधवार थपिएका ५ जनासँगै प्रदेशमा हालसम्म ज्यान गुमाउनेको संख्या १ हजार २२१ पुगेको छ ।

त्यस्तै प्रदेशमा बिहीवार म्याग्दीमा १९, पर्बतमा २, गोरखामा ३३, लमजुङमा ३९, तनहुँमा ३८, कास्कीमा २६८, वाग्लुङमा २५, स्याङजामा ५५ र नवलपरासीपूर्वमा २५ जना गरी ५०४ जना नयाँ संक्रमित थपिएका छन् । ती मध्ये २४९ जना महिला र २५५ जना पुरुष रहेका छन् ।

निर्देशनालयद्धारा जारी विवरण अनुसार बिहीवार थपिएका संक्रमितमध्ये सबैभन्दा बढी कास्कीमा २६८ जना रहेका छन् ।

बिहीवार थपिएका ५०४ जनासँगै प्रदेशमा हालसम्म ७७ हजार ८४७ जनामा कोरोना संक्रमण पुष्टि भएको छ भने ती मध्ये ७० हजार ७४३ जना निको भइसकेका छन् । बिहीवार ५१० जना संक्रमणबाट मुक्त भएका हुन् ।

निर्देशनालयका अनुसार प्रदेशमा हाल ५,८८३ सक्रिय संक्रमित रहेका छन् । ती मध्ये ५५३१ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहका निर्देशनालयले जनाएको छ ।