हामी सबैकाे संसारन्यूज

७ भदौँ, काठमाडौँ । स्पेनिस ला लिगा फुटबल अन्तर्गत आइतबार राति भएको खेलमा लिभान्तेसँग रियल मड्रिड बराबरी रोकिएको छ । रियलले १० खेलाडीमा सीमित लिभान्तेसँग ३–३ गोलको बराबरी खेल्दै अंक बाँडेको हो ।

लिभान्तेको घरेलु मैदानमा भएको खेलमा खेलको पाँचौं मिनेटमा ग्यारेथ बेलले गोल गर्दै रियललाई अग्रता दिलाएका थिए । पहिलो हाफ १-० मा सकिएको खेलमा दोस्रो हाफको ४६ औं मिनेटमा लिभान्तेका लागि रोजरले गोल गर्दै खेललाई बराबरीमा ल्याएका थिए । त्यस्तै, खेलको ५७ औं मिनेटमा जोसे क्याम्पनाले गोल गर्दै लिभान्तेलाई २-१ को अग्रता दिलाए ।

खेलको ७३ औं मिनेटमा रियलको लागि भिनिसियस जुनियरले गोल गर्दै खेललाई २-२ को बराबरीमा ल्याएका थिए । त्यसैगरी खेलको ७९ औं मिनेटमा रोबरले गोलबाट लेभान्टेलाई ३-२ ले अग्रता दिलाएका थिए । खेलको ८५ औं मिनेटमा जुनियरलेगोल गर्दै खेललाई ३-३ को बराबरीमा ल्याउदै टोलीलाई हारबाट जोगाएका थिए ।

स्पेनिस ला लिगा फुटबल अन्तर्गत आइतबार राति नै भएको अर्को खेलमा एटलेटिको मड्रिडले इल्चेलाई १-० ले पराजित गरेको छ ।