हामी सबैकाे संसारन्यूज

८ भदौ, काठमाडौँ । विवादित नेपाल स्टक एक्सचेन्ज (नेप्से)का प्रमुख कार्यकारी अधिकृत(सीईओ) चन्द्रसिंह साउदले राजीनामा दिएका छन् ।

सर्वोत्तम सिमेन्टको सेयर खरिद प्रकरणमा मुछिएका साउदले अध्ययन र अनुसन्धानलाई सहज बनाउनलाई आफुले पदबाट राजिनामा दिएको बताएका छन्। मंगलबार अर्थ मन्त्रालयमा राजीनामा बुझाएको पत्रकार सम्मेलन मार्फत जानकारी गराएका थिए ।

सीईओ साउद सेयर जारी नै नभई आफ्नी श्रीमतिको नाममा सर्वोत्तम सिमेन्टको सेयर किनेपछि विवादित बनेका थिए । संसदको अर्थ समितिले यस विषयमा उनलाई स्पष्टीकरण सोधेको थियो ।स्पष्टीकरणमा उनले परिवारको नाममा शेयर खरिद गरेर गल्ति महशुश भएको बताएका थिए ।

नेपाल धितोपत्र बोर्डका अध्यक्ष भीष्मराज ढुंगानाको उपस्थितिमा उनले राजीनामापत्र बुझाएका हुन् । अर्थ समितिले अध्यक्ष भिष्म ढुंगाना र बोर्डका संचालक सदस्य चन्द्रप्रसाद ढकाललाई पनि कारवाही गर्न निर्देशन दिएको छ ।

सर्वोत्तम शेयर प्रकरणमा मुछिएकामाथि निलम्बन गरेर छानविन गर्ने मन्त्रालयको तयारी