हामी सबैकाे संसारन्यूज

९ भदौँ, काठमाडौँ । नेपाल धितोपत्र बोर्डको संचालक समिति सदस्य पदबाट चन्द्र ढकालले राजीनामा दिएका छन् । सर्वोत्तम सिमेन्टको सेयर खरिद प्रकरणमा मुछिएका ढकालले आजै (बुधबार) देखि नै लागू हुने गरी राजीनामा दिएका हुन् ।

नेपाल उद्योग वाणिज्य महासंघका वरिष्ठ उपाध्यक्ष समेत रहेका ढकालले महासंघको प्रतिनिधित्व गर्दै बोर्डको सदस्य भएका थिए । उद्योग वाणिज्य महासंघका तर्फबाट ढकालको सट्टा अरुलाई नै धितोपत्र बोर्ड संचालक समितिमा पठाउने तयारी भएको छ।

सर्वोत्तम सिमेन्टको सेयर प्रकरणमा मुछिएका नेप्सेका सीइओ चन्द्रसिंह साउँदले मंगलबार नै राजीनामा दिइसकेका छन् ।