हामी सबैकाे संसारन्यूज

१३ भदौ, पोखरा । कोरोना संक्रमणबाट गण्डकी प्रदेशमा आइतवार थप ६ जनाको मृत्यु भएको छ ।

प्रदेशको स्वास्थ्य निर्देशनालयका अनुसार मृत्युहुनेमा कास्कीका ३÷३ जना गरी ६ जनाको मृत्यु भएको हो ।

आइतवार थपिएका ६ जनासँगै प्रदेशमा हालसम्म ज्यान गुमाउनेको संख्या १,२९० पुगेको छ ।

त्यस्तै प्रदेशमा आइतवार म्याग्दीमा २०, पर्बतमा १७, गोरखामा १३, लमजुङमा ११, तनहुँमा ११, कास्कीमा ५३, वाग्लुङमा २१, स्याङजामा ४१ र नवलपरासीपूर्वमा ३८ जना गरी २३० जना नयाँ संक्रमित थपिएका छन् ।

ती मध्ये ११५ जना महिला र ११५ जना पुरुष रहेका छन । आइतवार थपिएका २३० जनासँगै प्रदेशमा हालसम्म ८१ हजार १०८ जनामा कोरोना संक्रमण पुष्टि भएको छ भने ती मध्ये ७६ हजार ४०० जना निको भइसकेका छन् । आइतवार प्रदेशमा ५०४ जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल ३,४१८ सक्रिय संक्रमित रहेका छन् । ती मध्ये ३१८१ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९६२ नमुना परीक्षण गरिएको थियो ।