Sansar News
भदौ १६, काठमाडौं । प्रदेश नम्बर १ का १० सांसदले नेकपा (एमाले) छाडेर माधवकुमार नेपाल नेतृत्वको नेकपा (एकीकृत समाजवादी) ररोजेका छन् ।
सांसदहरु राजेन्द्र राईको नेतृत्वमा १० सांसदले एमाले छाडेका हुन् । एमाले छाड्नेमा राईसहित राजन राई, पदमकुमारी गुरुङ, सरिता थापा, सुनिता चौधरी, उपेन्द्र घिमिरे, कृष्णकुमारी राई, गणेश काङवाङ, खिनु लङ्वा लिम्बु र सावित्री रेग्मी रहेका छन् ।
बताइएअनुसार १० सांसदले आज नै प्रदेश निर्वाचन आयोगको कार्यालय बिराटनगरमा पुगेर सनाखत गर्नेछन् ।
१० सांसदले छाडेसँगै ९२ सदस्यीय प्रदेशसभामा सत्तारुढ नेकपा (एमाले) स्वत अल्पमतमा परेको छ । ५१ सासंद भएको एमालेमा ४१ सांसदमा खुम्चिएको छ ।
९२ सदस्यीय प्रदेशसभामा बहुमत जुटाउन कम्तिमा ४७ सदस्यको समर्थन चाहिन्छ । तर एमालेसँग ६ सांसदको कमी भएको देखिन्छ ।
वि.सं.२०७८ भदौ १६ बुधवार ११:५६ मा प्रकाशित
