हामी सबैकाे संसारन्यूज

१८ भदौ, पोखरा । गण्डकी प्रदेशमा आज पाँचजना कोरोना संक्रमितको मृत्यु भएको छ ।

प्रदेशको स्वास्थ्य निर्देशनालयका अनुसार आज मृत्यु भएका पाँचजनासँगै प्रदेशमा मृत्यु हुनेको संख्या १३०६ पुगेको छ ।

प्रदेशमा शुक्रवार म्याग्दीमा ५, पर्वतमा २, गोरखामा ९, लमजुङमा १०, तनहुँमा १०, कास्कीमा ८५, वागलुङमा २, स्याङजामा २१ र नवलपरासीपूर्वमा १३ जना गरी १५७ जना नयाँ संक्रमित थपिएका छन् । आज थपिएकामा ७४ महिला र ८४ जना पुरुष रहेका छन् ।

शुक्रवार थपिएका १५७ जनासँगै प्रदेशमा हालसम्म ८२ हजार १४९ जनामा कोरोना संक्रमण पुष्टि भएको छ भने ती मध्ये ७७ हजार ९२३ जना निको भइसकेका छन् । शुक्रवार प्रदेशमा ३४४ जना संक्रमणबाट मुक्त भएका छन् ।

निर्देशनालयका अनुसार प्रदेशमा हाल २९२० जना सक्रिय संक्रमित रहेका छन् । ती मध्ये २,६५५ जना होम आइसोलेशनमा र अन्यको विभिन्न अस्पताल तथा आइसोलेशन सेन्टरमा उपचार भइरहेको निर्देशनालयले जनाएको छ । प्रदेशमा पछिल्लो २४ घण्टामा ९७० वटा नमुना परीक्षण गरिएको थियो ।

गण्डकी प्रदेशमा निरन्तर घट्दै कोरोना संक्रमितको संख्याः आज १८२ संक्रमित, १ जनाको मृत्यु