Sansar News
२३ भदौ, पोखरा । गण्डकी प्रदेशमा कोरोना संक्रमणबाट ४ जनाको मृत्यु भएको छ ।
प्रदेशको स्वास्थ्य निर्देशनालयका अनुसार बुधवार प्रदेशमा कास्कीका २ तथा तनहुँ र बागलुङका १÷१ जना गरी ४ जनाको मृत्यु भएको हो ।
बुधवार थपिएका ४ जनासँगै प्रदेशमा मृत्यु हुनेको संख्या १३२० पुगेको छ ।
प्रदेशमा बुधवार म्याग्दीमा १, पर्वतमा ३, गोरखामा ७, लमजुङमा १२, तनहुँमा १२, कास्कीमा ७६, वागलुङमा ६, स्याङजामा १५ र नवलपरासीपूर्वमा ३१ गरी १६३ जना नयाँ संक्रमित थपिएका छन् । आज थपिएकामा ८१ महिला र ८२ जना पुरुष रहेका छन् ।
बुधवार थपिएका १६३ जनासँगै प्रदेशमा हालसम्म ८२ हजार ९९२ जनामा कोरोना संक्रमण पुष्टि भएको छ ।
वि.सं.२०७८ भदौ २३ बुधवार १७:५५ मा प्रकाशित
