हामी सबैकाे संसारन्यूज

काठमाडौँ । नेकपा(माओवादी केन्द्र) निकट अखिल नेपाल महिला संघ(क्रान्तिकारी)ले काठमाडौँ जिल्ला अन्तर्गतका ११ वटै पालिकामा मागपत्र पेश गरेको छ ।

सो संगठनकी केन्द्रीय सचिव तथा काठमाडौँ जिल्ला इन्चार्ज सुशिला पौडेलका अनुसार ‘संविधान प्रदत्त महिला अधिकार कार्यान्वयन हाम्रो अभियान, एकताबद्ध संगठन सुदृढ, विस्तार र महिला जागरण’ भन्ने मूल नारासहित अनेमसंघ(क्रान्तिकारी) काठमाडौँ जिल्ला समितिबाट काठमाडौँ महानगरपालिकासहित दक्षिणकाली, किर्तिपुर, चन्द्रागिरी, नार्गाजुन, तारकेश्वर, टोखा, बुढानिलकण्ठ, गोकर्णेश्वर, कागेश्वरी मनोहरा तथा शंखरापुरसहित ११ वटा पालिकामा ज्ञापनपत्र बुझाइएको छ ।

स्वास्थ्य र शिक्षा क्षेत्रको हातामा धुम्रपान–मद्यपान, निषेध, किशोरीहरुलाई आराम कक्ष, लैगिंक उत्तरदायी १० प्रतिशत बजेट अनिवार्य खाताको व्यवस्था, हिसा पीडित महिलाहरुको लागि न्यायिक समितिमार्फत तत्काल न्याय दिने व्यवस्था मिलाउन माग गरिएको छ ।

त्यसैगरी आमाको नामबाट नागरिकता प्राप्त गर्ने सहज वातावरण निर्माण गर्न, छोरासरह छोरीलाई पैत्रिक सम्पत्तिमा समान अधिकारको व्यवस्था लागू गरियोस्, समान कामको समान ज्याला व्यवहारमा कार्यान्वयन गर्न लगायत १२ सुत्रीय माग पेश गरेका छन् ।