Sansar News
११ असोज, काठमाडौँ । नगदरहित कारोबारलाई प्रोत्साहन तथा प्रवर्धन गर्न कुमारी बैंकले आफ्ना डेबिट र क्रेडिट कार्डवाहकहरुलाई विशेष छुट दिने उद्देश्यले दराजसँग सम्झौता गरेको छ ।
उक्त सम्झौता अनुसार कुमारी बैंकका ग्राहकहरुले डेबिट र क्रेडिट कार्डबाट दराज अनलाईनमा असोज १८ गतेसम्म सामानहरुको खरिद गर्दा छुट प्राप्त गर्नेछन् । बैंकका ग्राहकले डेबिट कार्डको प्रयोग गरी सामान खरिद गर्दा २ हजारसम्मको र क्रेडिट कार्ड प्रयोग गरी सामान खरिद गर्दा २५ सयसम्मको छुट पाउनेछन् ।
उक्त सम्झौता पश्चात् कुमारी बैंकका डेबिट र क्रेडिट प्रयोगकर्ताहरुले दराज अनलाईन शपिङ्ग मार्फत आफूलाई चाहिने दैनिक उपभोग्य तथा वस्तुहरु झन्झटबिना आफ्नै घरदैलोमा प्राप्त गर्न सक्नेछन ।
वि.सं.२०७८ असोज ११ सोमवार १६:५२ मा प्रकाशित
