हामी सबैकाे संसारन्यूज

१७ फागुन, गौशाला  । नेपाल पत्रकार महासङ्घ महोत्तरी शाखाको आज सम्पन्न १०औँ जिल्ला अधिवेशनबाट अध्यक्ष पदमा कमलेश मण्डल विजयी हुनुभएको छ ।

उहाँले आफ्ना प्रतिद्वन्दी राकेशप्रसाद चौधरीलाई २० मतले पराजित गर्दै अध्यक्ष पदमा निर्वाचित हुनुभएको प्रमुख निर्वाचन अधिकृत कुमारकान्त झाले बताउनुभयो ।

महासङ्घको उपाध्यक्षमा नागेन्द्रकुमार कर्णले २८, सचिवमा महेशकुमार दासले २६ र कोषाध्यक्षमा अजयकुमार सिंहले २८ मत ल्याएर विजयी हुनुभएको छ ।

त्यस्तै केन्द्रीय पार्षदमा हरिप्रसाद मण्डल, विवेकानन्द झा र गोपालप्रसाद बराल विजयी हुनुभएको छ ।

महासङ्घको महिला उपाध्यक्षमा खुश्वु झा, सहसचिव पुरुषमा रामनारायण महतो, महिलामा सुनिता कुमारी र सदस्यहरुमा मेनुका श्रेष्ठ, नवीनकुमार नवल, सञ्जीव मण्डल र घनश्याम भगत र केन्द्रीय सभासद्मा महिलातर्फ हेमकुमारी बराल निर्विरोध निर्वाचित हुनुभएको छ ।

त्यस्तै प्रादेशिक पार्षदमा धीरेन्द्र राय, वैद्यनाथ चौधरी, ईश्वरी पौडेल, रवीन्द्र उप्रेती र अनिता खनाल पनि निर्विरोध निर्वाचित हुनुभएको छ ।
कुल ३८ मतदाता रहेको महोत्तरी शाखामा आज सम्पन्न निर्वाचनमा जम्मा ३६ जनाले मतदान गरेका थिए । रासस