Sansar News
काठमाडौं । बागमती प्रदेशको मुख्यमन्त्रीमा गठबन्धनको तर्फबाट नेकपा (एकीकृत समाजवादी)का प्रदेश संसदीय दलका नेता राजेन्द्र पाण्डेले दाबी पेश गरेका छन् । बुधबार ५९ सांसदको समर्थनसहित पाण्डेले मुख्यमन्त्रीमा दाबी पेश गरेका हुन् ।
प्रदेश प्रमुख यादवचन्द्र शर्माले संविधानको धारा १६८ को उपधार २ अनुसार बिहीबार दिउँसो तीन बजेभित्र मुख्यमन्त्रीमा दाबी पेश गर्न आव्हान गरेका थिए । शर्माले आव्हान गरेलगत्तै पाँच दलका ५९ सांसदको हस्ताक्षरसहित पाण्डेले दाबी पेश गरेका हुन् ।
१०९ सदस्यीय प्रदेशसभामा सरकार गठनका लागि ५५ सांसदको समर्थन चाहिन्छ । पाँच दलीय गठबन्धनसँग माओवादी केन्द्र २३, कांग्रेस २२, एकीकृत समाजवादी १३ र जसपाका एक गरि ५९ सांसद छन् । जुन बहुमतभन्दा माथि हो ।
अल्पमतमा परेसँगै नेकपा (एमाले)को तर्फबाट मुख्यमन्त्री बनेकी अष्टलक्ष्मी शाक्यले बुधबार मात्रै राजीनामा बुझाएकी थिइन् ।
सम्बन्धित समाचार
वि.सं.२०७८ कात्तिक १० बुधवार १७:५४ मा प्रकाशित
