Sansar News
काठमाडौँ । संघीय मामिला तथा सामान्य प्रशासन मन्त्रालयले कोभिड– १९ को महामारीबाट प्रभावित अतिविपन्न परिवारलाई नगद अनुदान प्रदान गर्न सबै स्थानीय तहमा पत्राचार गरेको छ ।
कोभिड १९ को प्रभावबाट रोजगारी र आयआर्जनकाे अवसर गुमाएका अनौपचारिक तथा असंगठित क्षेत्रमा रहेका अति विपन्न गरिब पाँच लाख परिवारलाई राहत स्वरुप अनुदान प्रदान गर्ने सरकारको निर्णयलाई कार्यान्वयन गर्ने क्रममा मन्त्रालयले देशभरका गाउँपालिका तथा नगरपालिकालाई पत्राचार गरेको हो ।
सरकारले कोभिड १९ को महामारीबाट प्रभावित अतिविपन्न परिवारलाई नगद हस्तान्तरण कार्यविधि, २०७८ बनाएर राहत अनुदान हस्तान्तरण गर्न लागेको छ ।
वि.सं.२०७८ कात्तिक २५ बिहीवार १८:३५ मा प्रकाशित
