हामी सबैकाे संसारन्यूज

काठमाडौं । आज चार प्रदेशका विभिन्न भू–भागमा हल्का वर्षा सहित हिमपातको सम्भावना रहेको छ ।

मौसम पूर्वानुमान महाशाखाका अनुसार आज दिउँसो प्रदेश १, बाग्मती प्रदेश र गण्डकी प्रदेशको उच्च पहाडी तथा हिमाली भू–भागहरुका एक–दुई स्थानहरुमा हल्का हिमपातको सम्भावना रहेको छ ।

त्यसैगरी राति पनि प्रदेश १, बागमती र कर्णाली प्रदेशको उच्च हिमाली भू–भागको एक दुई स्थानमा हल्का हिमपातको सम्भावना रहेको महाशाखाले जनाएको छ ।

त्यसैगरी आज सबैभन्दा चिसो जुम्लामा रहेको छ । आज जुम्लाको न्यूनतम् तापक्रम माइनस २.५ रहेको छ ।

त्यसैगरी जोमसोमको न्यूनतम तापक्रम ०.० रहेको छ भने अधिकतम १३.५ रहेको छ ।

त्यस्तै आज काठमाडौंको न्यूनतम् तापक्रम ७.६ र अधिकतम् २०.८ रहेको छ भने डडेल्धुराको न्यूनतम् तापक्रम ६.१ र अधिकतम् १६.५ रहेको छ ।