हामी सबैकाे संसारन्यूज

यतिबेला वलिउडमा नायिका कट्रिना कैफ चर्चामा छाएकी छन् । केहि समय अगाडि सुर्यवंशी फिल्ममा अक्षयकुमारसँग जोडी बाँधेकी कैफ फिल्मका कारण भएको चर्चा नभइ यतिबेला बिहेका कारण चर्चामा छाएकी छन् ।

बेलायती मुलकी भारतीय चर्चित नायिका कैफ केही दिन अगाडि कलाकार विक्की कौशलसँग विहे बन्धनमा बाँधिएकी हुन् । यिनले बिहेमा उपस्थित भएका पाहुँना वा कुनै मिडिया कसैलाई पनि बिहेको फोटो खिच्न नदिने निर्णय गरेर पहिलो चर्चा कमाएकी थिइन् । बिहेको सबै फोटो खिच्ने जिम्मा अमेजन कम्पनीलाई दिइएको बताइएको यी जाृेडीले करोड बढी पैसा कमाएको कुरा पनि बाहिर आएको छ।

फोटोपछि अव कैटको चर्चा उनले विहेमा लगाएको महँगा कपडा, गहना, र बिहेमा सहभागी वलिउडका चर्चित कलाकारहरुले दिएको उपहारको बारेमा चर्चा चलिरहेको छ । साथै उनका पति विक्कि कौशलले दिएको हिराको औठीको पनि खुब चर्चा चलेको छ । कौशलले उनका लागि बेलायतबाट हिराको औठी मगाएका थिए । उक्त औठीको मूल्य ७ लाख ४० हजार भारु रहेको बताइएको छ ।

१७ लाखको लेहेँगा
हुन त यसअघि बिहे गरेका भारतीय नायिकाहरुले पनि आफ्नो बिहेमा महँगा कपडा लगाएको समाचार बाहिरिएको थियो । कैफले आफ्नो बिहेमा १७ लाखको लेहँगा लगाएकी थिइन् । सब्यसाची कम्पनीले डिजाइन गरेको उक्त रातो रंगको लेहेँगा अत्यन्तै आकर्षक रहेको बताइएको छ ।

अनुष्का शर्मा
त्यस्तै अर्की चर्चित नायिका अनुष्का शर्मा २०१७ मा क्रिकेटर विराट कोहलीसँग बिहे बन्धनमा बाँधिएकी हुन् । अहिले एक छोरीकी आमा समेत बनेकी अनुष्काले आफ्नो बिहेमा ८ लाख ७५ हजारको लेहेँगा लगाएकी थिइन् । फिक्का गुलावी कलरको लेहेँगा सव्यासाँची कम्पनीले डिजाइन गरेको थियो । साथै उनले बिहेमा झण्डै ३ करोड भारुको गहना लगाएको पनि समाचार ऐजेन्सीले जनाएका छन् ।

दीपीका पादुकोण
सन् २०१८ मा नायक रणविर सिंहसँग विवाह बन्धनमा बाँधिएकी चर्चित नायिका दीपिका पादुकोणले १२ लाखको रातो कलरको लेहेँगा लगाएकी थिइन् । उनको लेहेँगाको डिजाइन पनि सव्यासाँचीले नै गरेको थियो । उनले बिहेमा १ करोड ५ लाख भारुको गहना लगाएकी थिइन् भने उनको मंगलशुत्रको मूल्यमात्रै २० लाख रहेको बताइएको छ ।

ऐश्वर्य राय
सन् २००७ मा नायक अभिषेक बच्चनसँग विवाह बन्धनमा बाँधिएकी ऐश्वर्या रायले आफ्नो बिहेमा ७५ लाखको सारी लगाएकी थिइन् । सव्यासाँचीले नै डिजाइन गरेको उक्त पहेलो कलरको सारीमा इम्ब्रडरी गरिएको थियो । उक्त समयमा यो बिहे वलिउडमा निक्कै चर्चामा आएको थियो । रायले विहेमा ३ करोड बढीको ज्वेलरी लगाएकी थिइन् ।

प्रियंका चोपडा
त्यस्तै २०१८ मा अमेरिकी पपप गायक निक जोनशसँग विहे गरेकी ३९ वर्षीया नायिका प्रियंका चोपडाले सव्यासाँचीले डिजाइन गरेको १८ लाख भारुको रातो रंगको लेहेंगा लगाएकी थिइन् । उनले बिहेमा झण्डै ४ करोडको ज्वेलरी लगाएकी थिइन् ।

शिल्पा सेठ्ठी
भारतीय मुलका बेलायती व्यापारीसँग २००९ मा विहे बन्धनमा बाँधिएकी ४६ वर्षीया नायिका सिल्पा सेठ्ठीले ५० लाखको लेहेँगा लगाएकी थिइन् । तरुण तहलियानी नामक कम्पनीले डिजाइन गरेको उक्त लेहेँगा रातो कलरको थियो । साथै उनले स्वयम्बरमा लगाएको औठीले पनि निकै चर्चामा आएको थियो । उक्त औठीको मूल्य ५ करोड रहेको बताइएको छ । सिल्पाले बिहेमा झण्डै ६ करोडको गहना लगाएको बताइएको छ । ऐजेन्सीको सहयोगमा