Sansar News
काठमाडौं । नेकपा (माओवादी केन्द्र)को आन्तरिक प्रतिस्पर्धामा राष्ट्रिय खेलकुद परिषद्का उपाध्यक्ष शिव कोइराला पराजित भएका छन् । माओवादी केन्द्रको बागमती प्रदेश उपाध्यक्ष पदका लागि उम्मेदारी दिएका कोइराला निर्वाचन प्रक्रियामा पराजित भएका हुन् ।
निर्वाचनमा हारेका कोइरालाले मात्रै ७३ मत ल्याएका थिए ।
सोमबार सम्पन्न माओवादी केन्द्रको आन्तरिक निर्वाचनबाट प्रदेश उपाध्यक्षमा रुपा महर्जन, रामप्रसाद ढुंगाना र प्रेमबहादुर पुलामी निर्वाचित भएका छन् ।
सहमतिमा नेतृत्व चयन हुन नसकेपछि माओवादी केन्द्रले बागमती प्रदेशमा नेतृत्व चयनका लागि निर्वाचन गराएको थियो । जसमा कोइराला पनि सहभागि थिए ।
तर, कानून विपरित थियो कोइरालाको उम्मेदवारी
कोइराला राष्ट्रिय परिषद्का उपाध्यक्ष हुन् । तत्कालिन केपी शर्मा ओली सरकारले ०७७ साउन १२ मा उनलाई उपाध्यक्षमा नियुक्त गरेको थियो ।
राखेपको पदाधिकारी पद गैरराजनीतिक हो । पदाधिकारी हुने व्यक्ति कानूननः कुनै पनि पार्टीका गतिविधिमा सहभागि हुन पाइँदैन् । तर, कोइरालाले उक्त व्यवस्थालाई लत्याउँदै माओवादी केन्द्रको प्रदेश उपाध्यक्षमा उम्मेदवारी दिएका थिए ।
वि.सं.२०७८ पुस ६ मंगलवार १२:०८ मा प्रकाशित
