Sansar News
काठमाडौं । परीक्षामा चिट चोर्न नपाएको भन्दै काठमाडौंको रत्नराज्यलक्ष्मी क्याम्पसका प्राध्यापक प्रकाश पुडासैनीमाथि कुटपिट भएको छ । मंगलबार चिट चोर्न नपाएको भन्दै प्राध्यापक पुडासैनीमाथि कुटपिट भएको हो ।
शिक्षक पुडासैनीको टाउकोमा सात टाँका लगाइएको छ।
उनलाई एमाले निकट विद्यार्थी संगठन अनेरास्ववियुका कार्यकर्ता कुबेर जेठाराले कुटपिट गरेका हुन् । परीक्षा चलिरहेका बेला उनले प्राध्यापक पुडासैनीमाथि कुटपिट गरेको क्याम्पसका उपप्रमुख गोविन्दराज आचार्यले जानकारी दिए ।
चिट नचोर्न आग्रह गर्दा भएको विवादपछि कुटपिट भएको बताइएको छ ।
वि.सं.२०७८ पुस ६ मंगलवार १२:२२ मा प्रकाशित
