Sansar News
काठमाडौं । बैदेशिक रोजगार तथा अन्य कार्यका लागि विदेश जाने नेपालीहरुले उपत्यकाका चार अस्पतालमा पुगेर कोरोना भाइरस विरुद्धको खोप लगाउन सक्नेछन् ।
स्वास्थ्य तथा जनसंख्या मन्त्रालयका अनुसार विदेश जानेहरुका लागि एक डोज मात्रै लगाए हुने कोभिड १९ विरुद्धको जोनसन एण्ड जोनसन खोप विदेश जाने सबैका लागि उपत्यकाका चार अस्पतालबाट लगाइने गरिएको छ ।
उपत्यकाको वीरेन्द्र सैनिक अस्पताल छाउनी, नेपाल प्रहरी अस्पताल महाराजगन्ज, सशस्त्र प्रहरी अस्पताल बलम्बु र शुक्रराज ट्रपिकल तथा सरुवा रोग अस्पताल टेकुबाट उक्त खोप लगाउन सकिनेछ ।
मन्त्रालयका अनुसार खोप लगाउन जाँदा अनिवार्य रुपमा आफ्नो पासर्पोट र भिसा लिएर जानुपर्ने छ ।
वि.सं.२०७८ पुस १२ सोमवार १६:५९ मा प्रकाशित
