हामी सबैकाे संसारन्यूज

काठमाडौं । नेकपा (माओवादी केन्द्र) ले पार्टीको आगामी नयाँ नेतृत्वका लागि निर्वाचन कार्यतालिका प्रकाशन गरेको छ ।

यसअघि मतदाता नामावली सार्वजनिक गरेको पार्टीको निर्वाचन समितिले निर्वाचनको कार्यतालिका सार्वजनिक समेत सार्वजनिक गरेको छ ।

कार्यतालिका अनुसार मतदाता नामावली उपर दावि विरोध शनिवार ३ः३० देखि ४ बजेसम्म, मतदाता नामावलीमा परेको दावी विरोधको सूचना प्रकाशन ४ः१५ सम्म, दावि विरोधमाथि छानविन र निर्णय ४ः१५ देखि ४ः५० सम्म, अन्तिम मतदाता नामावली प्रकाशन ५ः३० बजेसम्म,उम्मेदवारको मनोनय पत्र दर्ता ८ बजेदेखि १०ः३० बजेसम्म, उम्मेदवारको मनोनयन पत्र दर्ता सूचि प्रकाशन शनिवार राति १०ः३५ बजे गरिने जनाइएको छ ।

त्यसैगरी पुष १८ गते (आइतवार) उम्मेदवारको विरोधमा विहान ८ बजेदेखि ८ः३० बजेसम्म उजुरी दिने समय तोकिएको छ भने ८ः३५ मा उम्मेदवारको विरोधमा परेको उजुरीको सूचना जारी गरिनेछ । साथै ८ः४० देखि ९ बजेसम्म उजुरी उपर छानविन र निर्णय गरिने पनि समितिद्धारा जारी तालिकामा जनाइएको छ ।
त्यस्तै बिहान ९ः१० बजेदेखि ११ बजेसम्म उम्मेदवारको नामावली पुनः प्रकाशन र नाम फिर्ता गरिने छ भने उम्मेदवारको अन्तिम नामावली प्रकाशनको समय ११ः१५ बजे र ११ः३० देखि ४ बजेसम्म मतदान हुने तालिका रहेको छ ।

यस्तो छ तालिका

माओवादी केन्द्रको नयाँ नेतृत्वको लागि निर्वाचन प्रक्रिया सुरु, मतदाता नामावली सार्वजनिक