Sansar News
काठमाडौं । नेकपा (माओवादी केन्द्र) ले पार्टीको आगामी नयाँ नेतृत्वका लागि निर्वाचन कार्यतालिका प्रकाशन गरेको छ ।
यसअघि सहमतिमा पार्टीको केन्द्रीय सदस्य चयन गर्नका लागि बसेको बैठक सकिएको छ । अध्यक्ष मण्डलले केन्द्रीय सदस्यहरुको नामावली घोषणा गर्ने र त्यसलाई हलबाट सर्वसम्मतिले पारित गरिने र सहमति नभए निर्वाचनमा जाने बताइएको छ ।
कुन क्षेत्रबाट कति सदस्य चयन हुने छन त ?
निर्वाचन समितिद्धारा प्रकाशित सूचना अनुसार राष्ट्रिय महाधिवेशनबा पारित विधान २०७८ बमोजिम समानुपातिक तर्फ ४५ जना निर्वाचित हुने छ । जसमा पुरुष १२, पुरुष युवा ३, महिला २४ जना र महिला युवा ६ जना ।
दलिततर्फ २२ जना निर्वाचित हुनेछन् । जसमा पुरुष ६, पुरुष युवा १, महिला १२ र महिला युवा ३ जना रहनेछन् ।
मुस्लिमतर्फ ७ जना निर्वाचित हुनेछन् । जसमा पुरुष १, पुरुष युवा १, महिला ४ र महिला युवा १ जना रहेका छन् । साथै मधेसीतर्फ २३ जना निर्वाचित हुनेछन् । जसमा पुरुष ६, पुरुष युवा १, महिला १३, महिला युवा ३ जना रहनेछन् ।
आदिवासी जनजाति तर्फबाट पुरुष ११, पुरुष युवा ३, महिला २३ र महिला युवा ६ जना गरी ४३ जना निर्वाचित हुनेछन् ।
त्यसैगरी थारुतर्फ पुरुष २, पुरुष युवा १, महिला ६ र महिला युवा १ जना गरी १० जना निर्वाचित हुनेछन् ।
त्यस्तै अपाङ्गता तर्फबाट पुरुष र महिला १\१ जना, पिछडिएको तर्फबाट पुरुष र महिला गरी १/१ जना तथा खुल्लातर्फ १४५ जना निर्वाचित हुने निर्वाचन आयोगले जनाएको छ ।
यस्तो छ उम्मेदवारी दर्ता प्रक्रिया
उम्मेदवारी दर्खास्त भर्दा १ पदमा १ जना प्रस्तावक र १ जना समर्थकको दस्तखत अनिर्वाय गराउनु पर्ने, उम्मेदवारी दरखास्त वारेश मार्फत् पनि दर्ता गर्न सकिने, उम्मेदवारी दरखास्त फराम वितरण र उम्मेदवराी दर्तामाथि उल्लेखित कलस्टर बमोजिम निर्वाचन केन्द्रबाट हुने जनाइएको छ ।
त्यसैगरी उम्मेदवारी दर्ता शुल्क १ हजार उम्मेदवारी दर्खास्त फारम दर्ता गर्ने बेलामा बुझाउनु पर्ने बताइएको छ ।
यस्तो छ माओवादी केन्द्रको निर्वाचन तालिका, उम्मेदवारको मनोनयन दर्ता राति ८ बजे (तालिकासहित)
माओवादी केन्द्रको नयाँ नेतृत्वको लागि निर्वाचन प्रक्रिया सुरु, मतदाता नामावली सार्वजनिक
वि.सं.२०७८ पुस १७ शनिवार १८:३८ मा प्रकाशित
