Sansar News
काठमाडौं । नेपालमा आज ३९३ जना कोरोना संक्रमित थपिएका छन् ।
पछिल्लो २४ घण्टामा गरिएको ९ हजार ३२९ नमुना परीक्षणमा ३९३ कोरोना संक्रमित थपिएका हुन् । सोमबारको तुलनामा आज संक्रमितको संख्या केही बढेको हो ।
आज थपिएका ३९३ जनासँगै नेपालमा हालसम्म कोरोनाबाट संक्रमित हुनेको संख्या ९ लाख २५ हजार ८२० पुगेको छ भने आज निको भएका २६३ जनासँगै हालसम्म ८ लाख १२ हजार ९३७ जना कोरोना संक्रमणबाट मुक्त भएका छन् ।
नेपालमा आज कोरोना संक्रमणबाट ३ जनाको मृत्यु भएको छ । आज थपिएका ३ जनासँगै नेपालमा हालसम्म कोरोनाबाट ज्यान गुमाउनको संख्या ११ हजार ६०१ पुगेको छ ।
त्यस्तै नेपालमा हाल ५ हजार ९४ जना सक्रिय संक्रमित रहेका छन् । ती मध्ये ४,८३४ जना होम आइसोलेशन र संस्थागत आइसोलेशनमा २६० जना रहेका छन् । साथै हाल आइसीयुमा ८८ र भेन्टिलेटरमा २५ जनाको उपचार भइरहेको छ ।
२ करोढ ५२ लाख बढीले लगाए कोरोनाविरुद्धको खोप
नेपालमा पछिल्लो २४ घण्टामा ३ लाख १६ हजार ७७४ जनाले कोरोना भाइसरविरुद्धको खोप लगाएका छन् । नेपालमा हालसम्म २ करोड ५२ लाख ७५ हजार ३५४ जनाले कोरोना भाइरसविरुद्धको खोप लगाइसकेका छन् ।
ती मध्ये १ करोड ४५ लाख ६४ हजार ५३३ जनाले पहिलो मात्रा र १ करोड ७ लाख १० हजार ७२१ जनाले दोस्रो मात्राको खोप लगाइसकेको स्वास्थ्य मन्त्रालयद्धारा जारी विवरणमा उल्लेख छ ।
वि.सं.२०७८ पुस २० मंगलवार १५:४८ मा प्रकाशित
