हामी सबैकाे संसारन्यूज

काठमाडौं । नेपालमा थप २४ जनामा कोरोना भाइरसको नयाँ भेरियन्ट ओमिक्रोन भएको पुष्टि भएको छ ।

स्वास्थ्य तथा जनसंख्या मन्त्रालयका अनुसार देशभरबाट संकलित नमुनाहरुको सिक्वेन्सिङ्ग गर्दा थप २४ जनामा संक्रमण पुष्टि भएको हो ।

मन्त्रालयद्धारा जारी विज्ञप्तिमा देशभरीबाट पुष महिनामा देशैभरीबाट संकलित ११४६ पोजेटिभ नमुनाहरुको S-Gene स्क्रिनिङ गर्दा २५० वटा नमुनाहरु S-Gene Negative (SGIF) पत्ता लागेका २४ जनामा जीन सिक्वेन्सिङ्ग गर्दा सबै नमुनाहरुमा ओमिक्रोन पुष्टि भएको हो ।

मन्त्रालयले ओमिक्रोन भेरियन्टले गर्दा हुन सक्ने अत्यधिक विरामीहरुको चापलाई मध्यनजर गर्दै सबै अस्पतालहरुलाई तयारी अवस्थामा रहन समेत अनुरोध गरेको छ ।

नेपालमा यसअघि पहिलोपटक अफ्रिकाबाट आएका एक विदेशी र उनीसँग सम्पर्कमा रहेका नेपाली नागरिकमा ओमिक्रोन संक्रमण देखिएको मन्त्रालयले मंसिर २० गते पत्रकार सम्मेलनमार्फत् जानकारी दिएको थियो ।