हामी सबैकाे संसारन्यूज

काठमाडौं । कर्णाली प्रदेश देशकै गरिब र विकट प्रदेशका रुपमा चिनिन्छ । कर्णालीको नाम उच्चारण गर्दा नै धेरैलाई गरिबहरुको अनुहार सम्झना आउँछ । तर, कर्णालीको ठूलो जनसंख्या चरम गरिबीको चपेटमा रहिरहेका बेला प्रदेशका मुख्यमन्त्री भने धन दौलतले निकै सम्पन्न देखिएका छन् ।

प्रदेशको मुख्यमन्त्री तथा मन्त्रिपरिषद्को कार्यालयले सार्वजनिक गरेको सम्पत्ति विवरणअनुसार मुख्यमन्त्री जीवनबहादुर शाहीको सम्पत्ति करोडौं देखिएको हो ।

सार्वजनिक सम्पत्ति विवरणअनुसार शाहीको केन्द्रीय राजधानी काठमाडौंसहित विभिन्न ठाउँमा घरहरु छ । उनीसँग ५ ठाउँ भन्दा बढी क्षेत्रमा जग्गा छ ।

त्यसैगरि शाहीसँग आधा केजीभन्दा बढी सुन (५६ तोला) र दुई केजी चाँदी छ । त्यसै उनीसँग लाखौंका अन्य रत्न पनि छ ।

शाहीसँग बैंक ब्यालेन्स नै डेढ करोड हाराहारी छ । साथै उनीसँग १३ हजार कित्ता विभिन्न कम्पनीका शेयर पनि छ ।

शाही झण्डै करोड हाराहारीको महंगो कार पनि चढ्ने गरेका छन् ।

शाहीले आफ्नो सम्पत्ति सबै पुख्र्यौली तथा जागिर र व्यापार व्यवसायबाट खरिद गरेको उल्लेख गरेका छन् । उनले झण्डै दुई करोड ऋण पनि देखाएका छन् । जसलाई किस्तामा तिरी रहेको उनले खुलाएका छन् ।