Sansar News
काठमाडौं । नेपालमा आज ५ हजार ५८३ जना कोरोनाका नयाँ संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा एन्टिजेन र पिसीआर विधिबाट गरिएको १७ हजार ६७४ नमुना परीक्षणमा ५ हजार ५८३ जना संक्रमित थपिएका हु्न् ।
आज थपिएका ५ हजार ५८३ जनासँगै नेपालमा हालसम्म कोरोना संक्रमित हुनेको संख्या १० लाख ८६ हजार ९८७ पुगेको छ ।
आज काठमाडौंमा १,४०४, ललितपुरमा ३०८ र भक्तपुरमा १९५ जना गरी उपत्यकामा १,९०७ जना संक्रमित थपिएका हुन् । सोमवारको तुलनामा उपत्यकामा संक्रमित हुनेको संख्या मंगलवार केही बढी हो ।
त्यसैगरी पछिल्लो २४ घण्टामा ८ हजार २३७ जनामा कोरोना संक्रमणबाट मुक्त भएका छन् । आज निको भएका ८ हजार २६७ जनासँगै नेपालमा कोरोनाबाट मुक्त हुनेको संख्या ८ लाख ७१ हजार १६५ पुगेको छ ।
नेपालमा पछिल्लो २४ घण्टामा ९ जना कोरोना संक्रमितको मृत्यु भएको छ । आज थपिएका ९ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ७५२ पुगेको छ ।
नेपालमा पछिल्लो २४ घण्टामा ३ लाख ९ हजार ९०० जनाले कोरोना भाइरसविरुद्धको खोप लगाएका छन् ।
नेपालमा हालसम्म कोरोना भाइरसविरुद्धको ३ करोड १६ लाख ४२ हजार ५०३ मात्रा खोप लगाइसकिएको छ । ती मध्ये १ करोड ६८ लाख ३० हजार ३९५ जनाले पहिलो मात्रा र १ करोड ४४ लाख ७ हजार ७७५ जनाले पूर्ण मात्राको खोप लगाइसकेका छन् । मन्त्रालयका अनुसार ४ लाख ४ हजार ३३३ जनाले अतिरिक्त मात्राको खोप लगाएका छन् ।
वि.सं.२०७८ माघ १८ मंगलवार १७:०० मा प्रकाशित
