Sansar News
काठमाडौं । नेपालमा पछिल्लो २४ घण्टामा ६३९ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ९ हजार ७५६ नमुना परीक्षणमा ६३९ जनामा संक्रमण पुष्टि भएको हो ।
आज थपिएका ६३९ जनासँगै नेपालमा हालसम्म कोरोना संक्रमित हुनेको संख्या ११ लाख १२ हजार ५३७ पुगेको छ ।
त्यसैगरी पछिल्लो २४ घण्टामा १६०० जना कोरोना संक्रमणबाट मुक्त भएका छन् । आज निको भएका १६०० जनासँगै नेपालमा कोरोनाबाट मुक्त हुनेको संख्या ९ लाख ४४ हजार ३३७ पुगेको छ ।
मन्त्रालयकी प्रवक्ता डा. संगीता मिश्रका अनुसार आज थप ३ जना कोरोना संक्रमितको मृत्यु भएको छ । आज थपिएका ३ जनासँगै नेपालमा हालसम्म कोरोनाबाट ज्यान गुमाउनेको संख्या ११ हजार ९०५ पुगेको छ ।
त्यसैगरी हाल देशैभरी १८ हजार २५१ जना सक्रिय संक्रमित रहेका छन् । ती मध्ये होम आइसोलेशनमा १७ हजार ५८० जना र संस्थागत आइसोलेशनमा ६७१ जना रहेका छन् । ती मध्ये आइसीयुमा १५६ र भेन्टिलेटरमा २६ जनाको उपचार भइरहेको छ ।
पछिल्लो २४ घण्टामा २ लाख १४ हजार १०३ जनाले कोरोना भाइरसविरुद्धको खोप लगाएका छन् ।
वि.सं.२०७८ फागुन ४ बुधवार १६:५८ मा प्रकाशित
