हामी सबैकाे संसारन्यूज

काठमाडौं । माओवादी केन्द्रका नेता नारायणकाजी श्रेष्ठले सत्तारुढ गठबन्धनका शिर्ष नेताहरुको एमसीसी सम्झौता टेवुल गर्ने निर्णयप्रति विरोध जनाएका छन् ।

नेता श्रेष्ठले मुलुकको राष्ट्रिय सार्वभौमिकता र स्वतन्त्रतामाथि यतिबेला गम्भीर चुनौती र संकट उत्पन्न भएको भन्दै यसको रक्षाका लागि देशभक्त शक्तिहरु एकजुट हुन आव्हान समेत गरेका छन् ।

आइतवार बिहान बसेको सत्तारुढ गठबन्धनका शिर्ष नेताहरुको बैठकले एमसीसी टेबुल गर्ने निर्णय गरेपछि नेता श्रेष्ठले सामाजिक संजालमार्फत् यस्तो अभिव्यक्ति दिएका हु्न् ।

‘ हाम्रा पुर्खाहरुले संसारमा साम्राज्यवाद र उपनिवेशवादको जगजगी भएको र हाम्रा सबैजसो छिमेकीहरु उपनिवेश बनेको अवस्थामा पनि हाम्रो भौगोलिक अखण्डता र स्वतन्त्रताको रक्षा गर्नुभयो । त्यसैले आज हामी कहिले कसैको प्रत्यक्ष उपनिवेश नबनेको सार्वभौमसत्तासम्पन्न मुलुकको जनता हुन पाएकोमा गौरवान्वित अवस्थामा छौं,’ उनले लेखेका छन् ‘तर हाम्रो राष्ट्रिय सार्वभौमिकता र स्वतन्त्रता माथि यतिबेला गम्भीर चुनौति र संकट उत्पन्न भएको छ ।सम्पुर्ण देशभक्त शक्तिहरु एक्जुट होऔं र राष्ट्रिय सार्भौमिकता ,स्वाधीनता र हितको रक्षा गरौं ।’