हामी सबैकाे संसारन्यूज

काठमाडौं । श्रम, रोजगार तथा सामाजिक सुरक्षा मन्त्रालयले प्रधानमन्त्री रोजगार कार्यक्रम अन्तर्गत बेरोजगार व्यक्तिको सूचीमा सूचीकृत हुन निवेदन दिन आह्वान गरेको छ । मन्त्रालयले आइतवार एक सूचना जारी गर्दै निवेदन दिन आह्वान गरेको हो ।

रोजगारीको हकसम्बन्धी नियमावली, २०७५को नियम ७ बमोजिम आफु स्थायी बसोबास गरेको वडा कार्यालय वा स्थानीय तहमा रहेका रोजगार सेवा केन्द्रमा यहि फागुन महिनाभरि तोकिएको मापदण्ड पुरा गरी निवेदन दिन सकिने सूचनामा जनाइएको छ । प्रत्येक १८ देखि ५९ वर्ष उमेर समूहका नेपाली नागरिकले आवेदन दिन सक्ने सूचनामा उल्लेख गरिएको छ ।

अन्य थप जानकारीका लागि फोन नं. ०१-४२००४७७ वा इमेल : pmep.gov.np मा सम्पर्क गर्न सकिने छ ।